"Azarkeşlər qarajda gecələməməlidir" – UEFA prezidenti Kiyevi tənqid etdi

UEFA prezidenti Aleksander Çeferin Ukrayna hakimiyyətini və Kiyev sakinlərini Çempionlar Liqasının finalını izləməyə gələn azarkeşlərə gecələmək üçün uyğun qiymət təqdim etməməsinə görə tənqid edib.

Qol.az-ın Rusiya mətbuatına istinadən yaydığı xəbərə görə, o deyib: "Kiyev gözəl şəhər olsa da, azarkeşlər hətta bir gecəsi 100 avroya belə otaq tapa bilmirlər.

Mən finalı qəbul edəcək növbəti ev sahibinin seçimlərində mehmanxana infrastrukturunun xüsusi rol oynamasını təklif edəcəyəm. Finalı keçirəcək şəhərlərdə azarkeşlər qarajda gecələmək məcburiyyətində qalmamalıdırlar” – deyə o bildirib.
Загрузка...

Xəbər lenti