“Əli İnsanov boğazındakı kəfənlə özünü assın” – İnam Kərimov (VİDEO)

“Əli İnsanov boğazındakı kəfənlə özünü assın” – İnam Kərimov (VİDEO)
"Ümumiyyətlə hesab etmirəm ki, qeyd etdiyiniz şəxs sual mövzusu olmağa layiqdir. Amma indi ki sualı vermisiniz, mən də istərdim ki, bu suala bir kənd təsərrüfatı naziri kimi deyil, sadə bir Azərbaycan vətəndaşı kimi cavab verim".

BakuPost xəbər verir ki, bunu Kənd təsərrüfatı naziri İnam Kərimov sabiq səhiyyə naziri Əli İnsanovla bağlı sualı cavablandırarkən deyib.

"Bilirsiniz ki, Əli İnsanov vaxtilə Heydər Əliyevin ən yaxın tərəfdaşlarından olub, onun xidmətində olub. Biz bilirik ki, Heydər Əliyev böyük insan olub, bütün səhvləri bağışlayıb, yalnız bir səhvi bağışlamayıb. Bağışlamadığı yeganə şey xəyanət olub. Əli İnsanov Heydər Əliyevə xəyanət edib. Heydər Əliyevin ruhuna xəyanət edib. Ona görə hesab edirəm ki, cənab Prezident çox böyük, müdrik bir addım atıb və Əli İnsanovu öz-özü ilə mübarizəyə buraxıb. İndi biz iki Əli İnsanov görürük. Heydər Əliyevçi Əli İnsanov və xəyanətkar Əli İnsanov. Düşünürəm ki, Əli İnsanovun güclü tərəfi ondan ibarətdir ki, onun yerinə başqa bir insan olsaydı, boğazındakı kəfəni çatı edib, özünü asardı. Amma o bu günə kimi onu etməyib. Hesab edirəm ki, Əli İnsanov artıq özünü ifşa etmiş insandır".

loading...

Xəbər lenti