Rusiyada iki milyard rubldan çox olan maliyyə fırıldağı cinayətlərində ittiham edilən azərbaycanlı "ev dustağlı”ndan qaçıb. 

Oxu.Az Rusiya mətbuatına istinadən xəbər verir ki, Perm polisi Azərbaycan vətəndaşı olan Həbibzadə Sücayət Şəmi oğlunu federal axtarışa verib. 

Bildirilir ki, Ş. Həbibzadənin adının hallandığı maliyyə cinayətləri ilə bağlı 3 il istintaq aparılıb. Bu ilin iyul ayının 23-də istintaq təcridxanasından azad edilən 53 yaşlı həmyerlimiz "ev dustağı” edilib. 

Ş. Həbibzadəyə yekun ittiham aktının sentyabrda elan olunacağı gözlənilirdi. Lakin o, avqustun 31-də vəkili tərəfindən Perm mərkəzində kirayələnən evdən qaça bilib.