Tarif Şurasından qaz və işıq limiti ilə bağlı açıqlama

Tarif Şurasından qaz və işıq limiti ilə bağlı açıqlama
Son zamanlar ölkədə aparılan islahatlar fonunda elektrik enerjisi və təbii qaza tətbiq edilən limitin götürülməsi, eləcə də qiymətin ucuzlaşması ilə bağlı müzakirələr gedir.

Məsələ artıq deputatlar səviyyəsində qaldırılıb. Ekspertlərin də fikrincə, əhalinin sosial vəziyyəti nəzərə alınaraq elektrik enerjisi və qaza tətbiq edilən limitin götürülməsi məsələsinə baxıla bilər.

Maraqlıdır, limitin ləğvi məsələsi Tarif Şurasında müzakirə olunurmu?

Muxalifet.az xəbər verir ki,Tarif Şurasının rəsmisi Ramin Şükürov Cebhe.info-ya açıqlamasında deyib ki, limitin ləğvi hələlik gündəmdə deyil:

"Bu məsələnin haradan çıxdığını anlamıram. Buna görə də cavab verə bilməyəcəyəm. Hansısa göstəriş olmalıdır ki, Tarif Şurası limiti ləğv etsin".

Xatırladaq ki, qaz və işıqla bağlı limit 2016-cı ildən tətbiq edilib. Həmin il noyabrın 28-də Tarif (qiymət) Şurasının qərarı ilə elektrik enerjisinin bir kilovat-saat üçün topdansatış tarifi 5,7 qəpik təsdiq edilmiş, pərakəndə satış tarifi isə sosial siyasətə uyğun olaraq, əhali üzrə aylıq elektrik enerjisi istehlakı 250 kilovat-saatadək olan istehlakçılar üçün dəyişdirilməyərək mövcud 7 qəpik səviyyəsində saxlanılmış, aylıq istehlak həcminin 250 kilovat-saatdan çox olan hissəsi üçün isə 11 qəpik müəyyənləşdirilib.

Eləcə də təbii qazın pərakəndə satış tarifi əhali üzrə illik istehlak həcmi 1500 kubmetrədək olan istehlakçılar üçün dəyişdirilməyərək bir kubmetr üçün mövcud 10 qəpik səviyyəsində saxlanılmış, illik istehlak həcminin 1500 kubmetrdən çox olan hissəsi üçün isə 20 qəpik müəyyən olunub.

Ancaq Prezident İlham Əliyevin tapşırığına uyğun olaraq, dekabrın 22-də Azərbaycan Respublikası Tarif (qiymət) Şurasının növbədənkənar iclası keçirilib. İclasda təbii qaz və elektrik enerjisinin satışı tarifləri ilə bağlı edilən müvafiq tarif tənzimlənmələrində dəyişikliklər aparılıb. Qərar Azərbaycan Prezidenti İlham Əliyevin tapşırığına uyğun olaraq qəbul edilib.

Dəyişikliyə əsasən, təbii qazın pərakəndə satış tarifi əhali üzrə illik istehlak həcminin 1500 kubmetrdən 1700 kubmetrə artırılıb və 20 qəpik müəyyənləşdirilib.

Elektrik enerjisi aylıq istehlak həcmi 250 kilovat-saatdan 300 kilovat-saatadək artırılıb və 11 qəpik müəyyənləşdirilib.

loading...

Xəbər lenti