Rəsmi bəyanatlara baxmayaraq, ABŞ prezidenti Donald Tramp Krımın Rusiyaya birləşdirilməsini faktiki tanıdı.

Publika.az xəbər verir ki, bu haqda Rusiya publisisti Leonid Radzixovskiy "Apostrof” nəşrinə danışıb.

"Donald Tramp zəbt edilmiş Krımı Rusiyanın ərazisi kimi rəsmən tanıya bilmir, amma o, bunu faktiki tanıdı. ABŞ 50 ildən çox müddətdə Baltikyanı ölkələrin SSRİ tərəfindən zəbt edilməsini tanımasa da, Moskva ilə işlər aparmaqda davam edirdi. Krım məsələsi rəsmən qalır, amma faktiki olaraq arxa plana çəkilir”, - Radzixovskiy deyib.

Onun sözlərinə görə, Donbas problemi daha mürəkkəbdir, çünki orada Putin nəsə edə bilər: "Putin üçün Krım problemi sadəcə mövcud deyil, ticarət üçün predmet yoxdur, çünki, Krım onun üçün Rusiyanın ayrılmaz hissəsidir. Krım məsələsinin arxasında Putinin bütün siyasi reputasiyası dayanır. Onun üçün Krım Kremldən sonra əhəmiyyətinə görə ikinci bənddir”.