"WhatsApp" istifadəçiləri DİQQƏT - Sizi bu yolla tələyə salmağa çalışacaqlar

"Eset" antivirus istehsalçısı "WhatsApp" istifadəçilərinə qarşı həyata keçirilən fişinq hücumu haqda məlumat verib.

Panoram "ICTnews"a istinadən xəbər verir ki, cinayətkarlar "Spotify" musiqi xidmətinə illik abunədən tələ kimi istifadə edərək pul qazanmağa çalışırlar.

"WhatsApp" istifadəçilərinə "Spotify" xidmətinin premium abunəçisi olmaq təklifindən ibarət mesaj göndərilir. Linkdə göstərilmiş ünvana keçid edən istifadəçi xüsusi anketdən ibarət fişinq saytına daxil olur. Portalın interfeysi və URL-ünvanı "Spotify" xidmətinin rəsmi saytını xatırladır.

Anketi doldurduqdan sonra qurbana linki kontakt siyahısındakı 30 "WhatsApp" istifadəçisinə göndərmək tələb olunur və guya bundan sonra premium-hesab aktivləşləcək.

Ekspertlərin məlumatına görə, zərərverici kampaniya Latın Amerikasında yaşayan sakinləri hədəf alıb.

loading...

Xəbər lenti