CƏMİYYƏT

Metroda bunu etsəniz 30 manat cərimələnəcəksiniz — RƏSMİ XƏBƏRDARLIQ – VİDEO

Metro stansiyalarında dəmir yoluna əşya atanlar 30 manat cərimələnəcək. Platformalarda isə zibil qablarına rast gəlmək mümkün deyil. Sakinlər bildirirlər ki, bu səbəbdən də tullantıları bir neçə stansiya əldə, yaxud da cibdə gəzdirməli olurlar. “Bakı Metropoliteni”ndən verilən açıqlamadan isə bu qənaətə gəlmək olar ki, stansiyalara zibilqabı qoyulmayacaq.

Metro stansiyalarının dəmir yoluna hər hansı bir əşya atanları cərimə gözləyir. Sürahinin üstünə əşya qoyanlar da cərimələnəcək.

Platformlarda və əksər metro keçidlərində isə zibilqablarına rast gəlinmir. Sərnişinlər deyirlər ki, platformalarda zibilqabı olmadığı üçün tullantıları bir neçə stansiya əldə, yaxud da cibdə gəzdirməli olurlar.
Sakinlər metro stansiyalarında zibilqabı qoyulmasının vacib olduğunu bildirirlər.

Sərnişinlər deyirlər ki, zibilqabı olmasa da, tullantıları yerə və ya platformaya atmaq doğru deyil.
Məsələ ilə bağlı “Bakı Metropoliteni” QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev “Xəzər Xəbər”ə bildirdi ki, bir çox ölkələrin metro stansiyalarında təhlükəsizlik səbəbindən zibilqabı qoyulmur. Çünki zibilqabına atılmış tullantının yanma ehtimalı var. Azərbaycanda da bu səbəbdən stansiyalarda zibilqabının qoyulması məqsədəuyğun hesab olunmayıb. Bununla belə metronu zibilləməyə görə cərimələr nəzərdə tutulub. Belə ki, eskalatorda sürahinin üstünə əşya qoyanlar 15, dəmir yoluna hər hansı əşya atanlar isə 30 manat miqdarında cərimə olunurlar.

 

Paylaş:
Загрузка...