İDMAN

Arda Turan “Qalatasaray”a keçmədi

İspaniyanın “Barselona” klubunun futbolçusu Arda Turanın Türkiyə “Qalatasaray”ına keçidi baş tutmayıb.

“Fanatik” nəşri xəbər verir ki, bu barədə jurnalistlərlə söhbətində İstanbul təmsilçisinin prezidenti Dursun Özbək bildirib.

O, transfer işlərini bitirdiklərini söyləyib: «Qalatasaray» olaraq transfer dönəmini bağladıq”.

Klub rəhbəri «Arda Turan transferindən imtina etmənizin səbəbi azarkeşlərdir» sualına belə cavab verib: “Futbolu idarə etmək çətindir. Kütləni məmnun etməlisiniz”.

Qeyd edək ki, bu gün Kataloniyanın RAC 1 radiosu Arda Turanın icarə əsasında 2 il “Qalatasaray”ın formasını geyinəcəyinə dair məlumat vermişdi. “Barselona»nın baş məşqçisi Ernesto Valverde İspaniya klubu ilə 3 illik müqaviləsi olan 30 yaşlı yarımmüdafiəçinin xidmətində maraqlı olmadığını açıqlayıb.

Paylaş:
Загрузка...